వాడ్ని చంపెయ్యండి ...

వాడే .. బలవంతుడు ...
వాడికి కొనుగోలు శక్తి పెరిగినది
అందుకే ధరలు పెంచాము

వాడే .. బలహీనుడు ..
బతకలేక పోతున్నాడు ...కొనలేకపోతున్నాడు
వాడికి ఏమీ అందకుండా బందు చేస్తున్నాము

‘చుక్క’ లు తాగి ‘లెక్క’ కక్కేది వాడే
రోగాలతో కునారిల్లి ఆస్పత్రికి డబ్బు పోసేదీ వాడే
ఆకలే ఆస్తిగా ‘అందరి’ అంతస్తులు పెంచేదీ వాడే

ఎటు చూసినా జీవశ్చవాలు మద్యం తాగేందుకే బతికి ఉన్నాయి

ఎంత దయగల ప్రభుత్వం
మీకు అన్నం పెట్టేందుకే మీ జేబుకు కన్నం పెడుతున్నారు నీ బాగోగులు చూసేందుకే నిన్ను బ్రష్ట్టు పట్టిస్తున్నారు

చెమట చిందించు రూపాయి సంపాదించు ప్రభుత్వ గల్లా పెట్టెకు అందించు చేరుతావు మృత్యువు అంచు

వాడు పేదోడు ..
మంత్రాంగం నడిపేవారికి మాత్రం పెద్దోడు ..
వాడు రక్తాన్ని చెమటగా మార్చే వాడు

వాడు చెమటను ఖర్చు చేస్తాడు
వీడు దాన్ని రక్తముతో పీల్చి పొదుపు చేస్తాడు
వాడు బతకాలి ... లేదు వాడ్ని చంపెయ్యండి

 

------------ ధరణికోట సురేష్ కుమార్,ఆడిటర్ పొన్నూరు@9441503681