మంచిని సమాధి చేస్తారా? ఇది మనుష్యులు చేసే పనియేనా?

అదేదో సినిమా పాట  లో మాదిరిగా “మంచిని సమాధి చేస్తారా? ఇది మనుష్యులు చేసే పనియేనా? మీలో పాపం చేయని వారు ఎవరో చెప్పండి?” అంటూ  రాజకీయ భక్తులు ప్రభుత్వాన్నీ వెనకేసుకొస్తున్నారు.
అంతే తప్ప..... ‘అసలు అవినీతిమయమైన ప్రభుత్వాల పనితీరేమిటి? అధినేతల అవతారమేమిటి?’ అన్న ఊసే లేదు. బరి తెగించిన అవినీతి ఎంత నిస్సిగ్గుగా ఉందంటే..... ఏకధాటిగా ప్రభుత్వం  పన్నులు  పెంచుకుంటూ పోతుంటే, ఆ నెపంతో అన్ని వస్తువుల ధరలూ అదుపు లేకుండా పెరుగుతున్నాయి. సేవల ధరలు మరింత ప్రియమై కూర్చున్నాయి. మరో ప్రక్క..... ఫ్యూన్ ని కదిపితే కోటి రూపాయల ఆస్తులు బయట పడుతున్నాయి. చిన్న స్థాయి అధికారిని కదిపితే, బహుళ అంతస్థుల భవనాలు, వాటి పెంట్ హౌసుల్లో ‘బారు’ లూ కనబడుతున్నాయి. ఎప్పటికి భారతీయుల తామసం వదిలి రజో గుణం రగులుతుందో తెలియదు కానీ, ఆ లోపున మాత్రం జనాల నడ్డి విరగటం ఖాయం! ఇవి దేశ, రాష్ట్రాల పరంగా నడుస్తున్న వ్యవహారాలైతే, అంతర్జాతీయంగా నకిలీ కణిక వ్యవస్థకి నడ్డి విరిగే గడ్డు పరిణామాలు బాగానే ఏర్పడ్డాయి. కీలక ఏజంట్లు నిర్మూలింపబడ్డారు. బాబాల దగ్గర నుండి బిన్ లాడెన్ ల దాకా, చావు తప్పి కన్ను లొట్ట పోవటం గాక, లొట్ట పోయిన కళ్ళతో సహా చావు తప్పక పోవటం పరిశీలించ దగినవే!

------------ ధరణికోట సురేష్ కుమార్,ఆడిటర్ పొన్నూరు@9441503681